Ижро интизомига бағишланган тақдимот

Рақамлаштиришни ривожлантириш вазирлигида Вазирлар Маҳкамаси ходимлари, вазирлик, идоралар ва ҳўжалик бирлашмаларининг ижро интизомига масъул бўлинма бошлиқлари иштирокида ижро интизомига бағишланган иқтисодий ўқиш ўтказилди.
 

Унда Ҳисоб палатаси шўъба мудири А. Дияров ушбу идора томонидан Президент ҳужжатлари ижросини назорат қилиш ҳамда вазирлик, идоралар ва маҳаллий ҳокимликларнинг ишлаш жараёнида йўл қўйилаётган камчиликлар муҳокамасига доир тақдим қилди.
 

Тақдимотда Ҳисоб палатаси томонидан 2024 йилда амалга оширилган ишлар, электрон тизимда яратилган қулайликлар, ўтказилган ўрганишларда аниқланган тизимли муаммолар ҳамда кўрсатилган амалий ёрдамларга тўхталиб ўтилди.
 

Шунингдек,  қатор камчиликларга йўл қўйган вазирлик ва идораларга тегишли таклиф ва йўналишлар муҳокама этилиб, 2025 йилда амалга ошириладиган ишларга урғу берилди.
 

Ўтган йил тажрибасидан келиб чиқиб, жорий йилда ҳам семинарлар бевосита вазирлик ва идораларда ҳамда заруратга кўра ҳудудларда ҳам ташкил этилишига келишиб олинди.